Մեր Մասին
ՖԼԵՇ 3.0 Նոր հայեցակարգի մեկնարկ
ՖԼԵՇ-ի 30-ամյակը ոչ միայն անցած ճանապարհի ամփոփումն է, այլև ՖԼԵՇ 3.0 նոր հայեցակարգի մեկնարկը։
Այս երեք տասնամյակները խորհրդանշում են զարգացման երեք հիմնական փուլ.
1.0 Հիմնադրում և ինքնության ձևավորում՝ Գործունեության սկիզբը, նշանավորվում էր փորձարկումներով, որոնումներով և Flash Petrol-ի ինքնահաստատմամբ։
2.0 Կայացում և աճ՝ Այս փուլում ձևավորվեցին ընկերության կառույցները, ձևաչափերը և Flash Petrol-ի դերը Հայաստանի բենզալցակայանների ցանցում:
3.0 Վերաիմաստավորում և վերագործարկում՝ Ներկայիս փուլը, որտեղ կուտակված փորձը վերածվում է ռազմավարական ռեսուրսի, և Flash Petrol-ը զարգանում է FLASH 3.0 հայեցակարգի նոր մոդելի, որը համահունչ է ոլորտի և ժամանակի պահանջներին:
Մեր առաքելությունը
«Ֆլեշի» առաքելությունն է զարգացնել և կատարելագործել ճանապարհային ենթակառուցվածքները՝ ստեղծելով հուսալի, անվտանգ և ժամանակակից միջավայր շարժման ընթացքում։ Մենք տրամադրում ենք ոչ միայն բարձրորակ վառելիք և պրոֆեսիոնալ սպասարկում, այլև իրական էներգիայի լիցքավորում՝ թե՛ մեքենայի, թե՛ նրա վարորդի ու ուղևորների համար։ Մեր լցակայանները վերածվում են կանգառների, որտեղ վերականգնվում է էներգիան՝ շարունակելու ճանապարհը նոր ուժով:
ՄԵՐ ԿԱՐԳԱԽՈՍԸ
Վստահի՛ր
«Վստահի՛ր» կարգախոսը խորհրդանշում է ընկերության 30 տարվա փորձը Հայաստանում, վստահելիությունը և առաջընթացը, որը կառուցված է կայունության, որակի և նոր հնարավորությունների վրա: «ՖԼԵՇԸ» իր հաճախորդներին տրամադրում է ոչ միայն վառելիք, այլև վստահություն՝ որակյալ, անվտանգ և ժամանակակից տեխնոլոգիաներով պատրաստված էներգիայի աղբյուր։
Սեփական նավթաբազա
Flash-ը Հայաստանում ունի սեփական նավթաբազա, որը հանդիսանում է նավթամթերքի ընդունման, պահպանման և բաշխման լիարժեք ենթակառուցվածք՝ կառուցված միջազգային անվտանգության և որակի ստանդարտներին համապատասխան։
● Լիակատար վերահսկողություն. Նավթաբազայի առկայությունը մեզ հնարավորություն է տալիս վերահսկել վառելիքի ամբողջ ճանապարհը՝ ներմուծման պահից մինչև լցակայաններ հասնելը։ Այս կերպ մենք ապահովում ենք անընդհատ հսկողություն վառելիքի ծագման, պահեստավորման պայմանների և բաշխման արդյունավետության վրա։
● Ժամանակակից հագեցվածություն. Բազան հագեցած է ժամանակակից ռեզերվուարներով, ավտոմատացված կառավարման համակարգերով, անվտանգ բեռնման և բեռնաթափման հարթակներով։
● Անվտանգություն. Տեխնիկական հսկողությունն ու կանխարգելման համակարգերը թույլ են տալիս կանխել ցանկացած խափանում կամ ռիսկ, ինչը կրիտիկական նշանակություն ունի այս ոլորտում։
Այսպիսով, ապահովելով ողջ շղթայի վերահսկումը՝ երաշխավորում ենք վստահություն յուրաքանչյուր փուլում։