Վառելիք Հայաստանին՝ ավելի քան 30 տարի

«Ֆլեշը» հիմնադրվել է 1995թ-ին՝ որպես վառելիք ներմուծող և վաճառող ընկերություն։ Այսօր՝ ավելի քան 30 տարի անց, այն Հայաստանի ճանապարհային ենթակառուցվածքներում ծառայություն մատուցող խոշորագույն ընկերություններից մեկն է․ ՀՀ ամբողջ տարածքում գործող «Ֆլեշի» շուրջ 60 վառելիքի կայաններում ներկայացված է բարձրորակ ավտոբենզինի տեսականի, դիզելային վառելիք և հեղուկ գազ, իսկ լցակայաններին կից գործող Express Shop մանրածախ առևտրի կետերը առաջարկում են սնունդ, սուրճ, մեքենայի և ճանապարհի համար անհրաժեշտ պարագաներ։ Լցակետերը ակտիվորեն համալրվում են նաև էլեկտրական մեքենաների լիցքավորման Express Charge կայաններով։

Ընկերության գործարկումը ուղեկցվել է Հայաստանի անկախության դժվարին շրջանի լուրջ մարտահրավերներով, երբ երկրում բացակայում էին վառելիքի պահեստները և անհրաժեշտ ենթակառուցվածքները: «Ֆլեշ»-ը սկսել է իր գործունեությունը ընդամենը մի քանի հոգուց բաղկացած փոքր թիմով և վառելիքի լուրջ պակասի պայմաններում դարձել է այս ռազմավարական առումով կենսական ռեսուրսի կարևոր մատակարար՝ արդյունավետորեն լրացնելով շուկայում առկա դեֆիցիտը: