Flash Petrol – 30 տարի շուկայում

«Ֆլեշ» ընկերությունն այս տարի նշում է իր հիմնադրման 30-ամյակը։ 1995 թվականին հիմնադրված ընկերությունն այսօր շարունակում է իր աճն ու զարգացումը՝ ներդրումներ կատարելով նոր ծառայությունների և ենթակառուցվածքների մեջ։

Տարիների ընթացքում «Ֆլեշ»-ը զգալիորեն ավելացրել է լիցքավորման կայանների թիվը, ընդլայնել թիմն ու սպասարկման ծավալը՝ ներկայացնելով նորարարական լուծումներ, ինչպիսիք են Express Shop խանութ-սրահները և Express Charge էլեկտրամոբիլների լիցքավորման կայանները։

Ընկերության մեկնարկն ուղեկցվել է լուրջ մարտահրավերներով՝ համընկնելով Հայաստանի անկախացման շրջանի դժվարություններով։ Սկզբնական շրջանում երկրում բացակայում էին վառելիքի բազաները և անհրաժեշտ ենթակառուցվածքները։ «Ֆլեշ»-ը սկսեց իր գործունեությունը ընդամենը մի քանի հոգուց բաղկացած թիմով՝ վառելիք վաճառելով նույնիսկ վագոններից։ Վառելիքի սուր պակասի պայմաններում ընկերությունը դարձավ ռազմավարական նշանակություն ունեցող այս ապրանքի կարևոր մատակարար՝ լրացնելով շուկայի բացը՝ հնարավորինս արդյունավետ կերպով։